எதிர்பாராததொருநாள் வந்திறங்கியது
புத்தம்புதிய நிலைக்கண்ணாடி
நேரெடுத்து சீவிய சிகை
சிக்கோடு கலைந்திருந்தது
கறுத்திருந்தால் பரவாயில்லை சுருங்கியிருக்கிறது
உருகிய புன்னகையை சுயநினைவற்று சுமக்கும் முகம்
அடுத்த கால் பதிவு எங்கென்றறியாததை
நடனமென்றிருந்தேன், இது நினைவு தப்புதல்
அடப்பாவி....
இரண்டு வயது புகைப்படமா
இவ்வளவு நாள் ஏமாற்றியது
உடைத்தால் கிளைக்கும் அபாயக் கண்ணாடியின்
இருப்பு தாளாமல்
சுவரைவிட்டுத் தள்ளி ஜன்னலில் எறிந்தேன்
யார் கண்ணாவது கூசட்டும் கண்ணாடியில் பட்டு.
கருத்துகள் இல்லை:
கருத்துரையிடுக