நிலவின் புழுதியால் செய்தது
இந்த பூமியில்
நிலவும் ஒரு ரயில் வண்டியும் நானும்
தனியாக விளையாடிக்கொண்டிருக்கிறோம்.
நீளும் ஊர்தலில்
இந்தப் பக்கமும் அந்தப் பக்கமுமாக
உருண்டுகொண்டிருக்கிறது நிலா.
வீசியடிக்கும் காற்றில்
நிலவில் பறக்கும் புழுதிதான்
சொற்களாக இங்கு படிகிறது.
இந்த தட..தட… தடக்…தடக்… ஒலி
நிலவில் வளர்ந்துவரும்
ஒரு செடிக்கான பாடலாக இருக்கலாம்.
நான் என் இரவின் கனவை
இப்போதே செய்கிறேன்.
நிலவைக் கண்டபடி
நிலவொளியைப் போர்த்தியபடி
நிலவின்மேல் உறங்கிப்போனதை அறியாமல்
தனியாக உருண்டுகொண்டிருக்கிறது
என் ரயில்.
•
கருத்துகள் இல்லை:
கருத்துரையிடுக